(قصااائد بأســم نــــوف )
( 1)
تنفعني المره على بيـت أهـل نـوف // لو كان مالي عند أهل نـوف حاجـه
الجـادل اللـي لافنـي حبهـالـوف // لوف الهشيـم اللـي تلوفـه عجاجـه
ماارتاح لين اشوفهـا بالنظـر شـوف// واخذ علـى بيـت الحبيـب إدراجـه
اروح قلبي من صخر ماأعرف الخوف// ويبدي عليّ الخـوف حيـن إنتواجـه
لا شفتها جاني عن الهـرج صـادوف// مغير أهز الـراس مثـل "الخواجـه"
(2)
يانوف ضميني على الصدر يانوف"خليني اشكـي لـك معانـاة حبـي
اسمك حفظته نطق واكتبته احروف"منحوتً اسمك في شراييـن قلبـي
اتخيلك في كل لحظه مدى الشـوف"سباح في بحرك وموجك عصف بي
عزالله ان العقل يانـوف مخطـوف"انتي سبايب جـرح قلبـي وطبـي
عزي لقلبً في هوى الخل مشغوف"اموت فـي حبـه وهـو مادرابـي
صمت الجروح ابحبكم سار مكشوف"عينه تهـل الدمـع لـك ماتخبـي
لوما تبينـي رد قلبـي بمعـروف"يكفي بنـار افـراق حبـك يشبـي
ياما تمنيتك على الشـوف ملهـوف"لكـن نسيمـك يمنـا مـا يهبـي
(3)
خليني أبكي وانثر الدمع يا نوف
أبكي على اللي بالثرى دافنينه
الدمع من عيني على الخد مصفوف
تبكي عيوني من فراقه حزينه
أبكي عليه بدمع أحمر من الجوف
ما أقوى العزى والقلب لا تجرحينه
(4)
الله من قلـب(ن) مولـع وملهـوف.... صابر على جور الزمـان وصروفـه
بين الأمل واليأس والسمع والشوف.... والحـظ ولا حـظ طـول وقـوفـه
والحل والترحال والأمـن والخـوف.... اعزف على أوتار الحيـاة امعزوفـه
يالعنبو حظ(ن) حداني علـى نـوف.... ويازين حظه من غدت نوف نوفـه
عن وصلكم يابنت حدتني اظـروف.... وعزي لمن مثلـي تحـده ظروفـه
وماحدني خشيه من ارماح وسيوف.... والمـال مـن قلـه وكثـرة الوفـه
ماحدني غير أني انسـان معـروف.... أفخر بربعـي والرجـال امعروفـه
اهل الوفاء الي فيهم الطيب مألـوف.... وأكرم من الله شرفه فـي ضيوفـه
لولا اختلاف اسلوم وطبوع ووصوف.... مايأخذك غيـري وعينـي تشوفـه
هذي النهايه قلتها منـك مكسـوف ....ومن غيره الله مكتمل في وصوفـه
تبقى لكم ذكرى معي داخل الجـوف ....وتزورني في كـل لحظـه طيوفـه
يانوف هذا العذر والعـب مكشـوف.... (ماهو بعذر الـي يفـرك كفوفـه!)
صغت أعتذاري لك بكلمات وأحروف ....وارجوك قولـي ماعليكـم حسوفـه
(5)
الصاحب اللي مسكنه داخل الجـوف
قفـا يبـن دلـوم وغيـر مسـاره
قفا وسافـر قـال مانـي بمكلـوف
وعمري بدونه ياعضيـدي خسـاره
يامحمد الدلوم والقلـب بـه خـوف
وتوني خذيت أمن الهوى لي أستماره
هو منيتي بالزين كامل بالوصـوف
نور القمـر فـي خدهـا كالمنـاره
سيد الغواني منيتـي أسمهـا نـوف
لاشفتهـا يالقـرم شنيـت غــاره
أدري جمال الناس واضح ومعروف
من سافرت كني مريـض الحـراره
وخاف من عين الحسد تقرب الشوف
وتصيدها صيـد الوحـش للحبـاره
(6)
البارحة يا صاحبي هلت دموع عيني
بكيت لين الدموع من بكاي ملت
سألت الليل وش لي بباقي سنيني
وحبيبة القلب عن قلبي تخلت
جالس بوسط ربعي حزيني
نسيت الفرح يوم نوف عن العين ولت
كانت هي قلبي وعيني
وكانت اللي روحي تمنت
كانت لي دم يجري في شرايني
لا شفتها كل البشاير علي هلت
أسألك يالله يا رب المسلميني
ياللي بنورك الدنيا تحلت
تعين قلبي وقلوب العاشقيني
وكل من روحه عن روحه تخلت
(7)
ولعتني يا طيف الاحباب في نوف
مدحك لها زود بقلبي لهيبه
بنت تلوف البيض لافرعن لـــوف
لوف الهوى عشب الحزوم الصليبه
الله من حب تسيطر على الجوف
عرقا على خفاق قلبي صليبه
غصن تمريع من غوى الغي معطوف
لحظة عيونه مايداوىصويبه
طرفي لغيره من البيض مطروف
ماينطلق شوفه لغير الحبيبه
وسلااااااااامتكم
وتقبلوااااااا تحيااتي
فديت صديقتي والله يلباها
الخميس مايو 26, 2011 7:23 pm